ТАМАК-АШ АЗЫКТАРЫН ЖЕТКИРҮҮ БОЮНЧА (17 ЛОТ)

Жарыяланган: 20 March 2025

ТАБЫШТАМАНЫ ТАПШЫРУУГА ЭҢ АКЫРКЫ МӨӨНӨТҮ:: 2025-жылдын 7-апрелинде саат 10:00 чейин.

Урматтуу айымдар жана мырзалар,

«Кумтөр Голд Компани» ЖАКы (Буйрутмачы) укуктуу берүүчүлөрдү «Кумтөр Голд Компани» ЖАКсынын кызматкерлерин тамак-аш азыктарын жеткирүү боюнча чектелбеген эки этаптуу конкурска катышууга жана Техникалык Тапшырмага ылайык төмөнкү лотторго конкурстук табыштамаларын берүүгө чакырат:

1. №1 Лот – Жаңы эт азыктары (койдун эти)
2. №2 Лот – Жаңы эт азыктары (уйдун эти)
3. №3 Лот – Жаңы эт азыктары (жылкын эти)
4. №4 Лот – Жаңы эт азыктары (топоздун эти)
5. №5 Лот– «Чучук»-улуттук колбаса деликатеси
6. №6 Лот– Тоңдурулган эт полуфабрикат (стейк)
7. №7 Лот – Тоңдурулган эт полуфабрикат (кесимдер)
8. №8 Лот – Тоок жумурткалары
9. №9 Лот– Картошкө
10. №10 Лот– Сабиз
11. №11 Лот– Пияс
12. №12 Лот – Жашылчалар жана чөптөр
13. №13 Лот– Мөмө-жемиштер
14. №14 Лот– Алма
15. №15 Лот– Өрүк
16. №16 Лот– Кургатылган мөмө-жемиштер
17. №17 Лот– Бал

Сиздин сунуштар документтер, тиркемелер, жана баа сунуштары менен бирге, коммерциялык сунуштарга жана келишим боюнча милдеттенмелерге кол коюуга толук укугу бар адам (адамдар) тарабынан кол коюлушу керек жана мөөр менен бекитилип, документтерди PDF форматында берилиши керек.

Адамдын документтерге кол коюуга ыйгарым укугу ишеним кат же анын ыйгарым укугун тастыктаган документтердин күбөлөндүрүлгөн көчүрмөсү менен тастыкталышы керек.

Тандап алуу конкурска катышууну каалагандардын баары Чакырууга №1, №2, №3 тиркемелерине ылайык формаларды толтуруушу керек, документтердин керектүү көчүрмөлөрүн тиркеп, электрондук почтага жөнөтүүшү керек.

Катышуучулар өздөрүн табыштамаларын электрондук почта аркылуу бир же бир нече кат түрүндө жөнөтүшөт, алардын өлчөмү 25 мб ашпашы керек.

Биринчи топтомдун темасы «[Компаниянын аталышы] боюнча квалификациялык жана техникалык сунуштар» болушу керек; экинчи топтому үчүн «[Компаниянын аталышы] баа сунушу» produkty2025@kumtor.kg –деген дарекке жөнөтүлүшү керек 

Конкурстук табыштаманы берүү тартиби

Катышуучулар документтерди эки өзүнчө топтомо түрүндө тапшырышат, эки топтом бир убакытта тапшырылышы керек:

• №1 топтомо – квалификациялык жана техникалык сунуштар (сыр сөзсүз берилет);
• №2 топтомо – коммерциялык сунуш (файлга сыр сөз аркылуу кирүүгө тийиш, аны биринчи этапта ачууга болбойт, сыр сөз Буйрутмачынын өтүнүчү боюнча электрондук почта аркылуу жөнөтүлүшү керек).

1. Биринчи этап – квалификациялык жана техникалык сунуштарды баалоо

1.1. Квалификациялык жана техникалык баалоо төмөндөгүлөрдү камтыйт:

• Иш тажрыйбасын талдоо (акыркы эки жылдагы келишимдердин көчүрмөлөрү);
• Берилген документтердин Техникалык Тапшырмага талаптарга шайкеш келүүсүн текшерүү;
• Салык жана камсыздандыруу боюнча карыздардын жоктугу тууралуу күбөлүктөрдүн түп нускаларынын сканерден алынган көчүрмөлөрү (Мамлекеттик салык кызматы, Социалдык фонд);
• Кыргыз Республикасынын Юстиция министрлигинде мамлекеттик каттоо же кайра каттоо жөнүндө күбөлүгүнүн түп нускасынын сканерленген көчүрмөсү; (жеке ишкерлер үчүн – жеке ишкер катары катталгандыгы жөнүндө күбөлүк же колдонуудагы патенттин көчүрмөсү, ошол эле учурда ишмердиктин түрү сатып алуу заттарга дал келиши керек);
• Уставдын түп нускасынын сканерленген көчүрмөсү (юридикалык жактар үчүн);
• Ишеним кат же адамдын документтерге кол коюуга ыйгарым укугун тастыктаган башка документ;
• Кол койгон жактын паспортунун сканерленген көчүрмөсү;
• Акыркы 2022 жана 2023-жылдар үчүн ыйгарым укуктуу орган тарабынан күбөлөндүрүлгөн бардык тиркемелери (пайдалар жана чыгымдар жөнүндө отчет, капиталдын өзгөрүүлөрү жөнүндө отчет, акча агымдары жөнүндө отчет) жана БСД (Бирдиктүү салык декларациясы) менен түп нускадагы баланстын сканерленген көчүрмөсү;
• Сот ишинин катышуусуна катышуусу жөнүндө маалымат (акыркы үч жыл, анын ичинде учурдагы жыл);
•  Конкурстук табыштаманын катышуусун кепилдик берүү жөнүндө декларация (Чакырууга №1 тиркемеси түрүндө);
• Ак ниеттүүлүк жөнүндө декларация жана коррупцияга каршы күрөшүү эскертме (Чакырууга №2 тиркеме түрүндө);

1.2. Биринчи этаптын жыйынтыгы боюнча экинчи этапка кабыл алынган катышуучулардын тизмеси түзүлөт.

1.3. Экинчи этапка киргизилбеген катышуучулар:

• Документтердин толук топтомосун бербеген;
• Сыр сөзсүз биринчи топтомо менен коммерциялык сунушту берген же сурагаңга чейин сыр сөз жөнөткөн;
• Буйрутмачынын өтүнүчү боюнча экинчи топтомдун сыр сөзү берилбей калган учурда;
• Конкурстук табыштаманын өтүшүнө кепилдик берген кол коюлган декларация жок болгон учурда (Чакырууга №1 тиркеме түрүндө);
• Ак ниеттүүлүк жөнүндө декларацияга кол коюлган жана коррупцияга каршы күрөшүү эскертме болбогон учурда (Чакырууга №2 тиркеме түрүндө);
• Чакырууда көрсөтүлгөн мөөнөт бүткөндөн кийин документтерди тапшырганда.
• Буйрутмачынын коопсуздук кызматы жана каржы бөлүмү тарабынан аккредитацисынан өтпөгөн учурда.

1.4. Буйрутмачы өз каалоосу боюнча сыртка чыгып текшерүү жүргүзө алат.

2. Экинчи этап – конкурстук табыштаманы баалоо

2.1. Экинчи этапка биринчи этаптан ийгиликтүү өткөн катышуучулар гана катышууга уруксат берилет.
2.2. Катышуучунун баа сунушу Чакырууга №3 тиркемесиндеги формага ылайык так түрдө толтурулат.

• Эгерде конкурска Катышуучу Чакырууга №3 тиркемесинде белгиленген формага ылайык келбеген баа сунушун жөнөткөн учурда, анын табыштамасы четке кагылат.

2.3. Баа/сапат боюнча эң мыкты шарттарды сунуштаган, ошондой эле Техникалык Тапшырма шарттарына ылайык конкурска табыштаманы берген Катышуучу жеңүүчү болуп саналат.

2.4. Артыкчылык, ар бир Лот боюнча суроо-талапта позициялардын максималдуу саны үчүн бааны сунуштаган Катышуучуга берилет.

2.5. Конкурстун Катышуучу тарабынан көрсөтүлгөн продукциянын наркы бардык чыгашаларды, анын ичинде салыктарды, алымдарды, жыйымдарды, буйрутманын кампасына жеткирүүнү жана Кыргыз Республикасынын мыйзамдарына ылайык алынган башка төлөмдөрдү, ошондой эле кызмат көрсөтүү мөөнөтүн эске алуу менен келишимдик милдеттенмелерди аткаруу үчүн Келишимде көрсөтүлгөн тейлөө мөөнөтүн эске алуу менен башка чыгымдарды камтууга тийиш.

• Баалоо критерийлери: белгиленген квалификациялык жана техникалык талаптарга жооп берген, баа/сапат боюнча эң мыкты шарттарды сунуштаган Катышуучунун сунушу жеңүүчү болот.
• Баа сунушу КНСти (кошумча нарк салыгы) эске албаганда, бааланат.
• Ар бир Лот бөлүнгүс болуп саналат.
• Жаны жашылча жана мөмө-жемиштерди жеткирүүгө сунуш берген Катышуучуларды кошпогондо, Буйрутмачы негизги жана резервдик берүүчүлөрдү тандайт.
• Жаңы жашылчаларды жана мөмө-жемиштерди жеткирүү боюнча алкактык келишимдер түзүлөт, анда өтүнмөлөр салыштырмалуу талдоо боюнча баа жана сапат принцибинде жүргүзүлөт.                                                      
• Жеткирүү келишими тандалган негизги Берүүчү менен түзүлөт. Келишимдин туура эмес аткарылышы же наркты көбөйтүү ниети жөнүндө билдирүү болгон учурда, Буйрутмачы резервдик Берүүчүгө кайрылууга укуктуу.
• Резервдик Берүүчү менен алкактык келишим түзүлөт.

Келишимди аткарууга кепилдик камсыздоонун өлчөмү жана формасы (мындан ары КАКК деп аталат)

• Жеткирүү келишимин түзүү укугуна ээ болгон Катышуучу конкурстун жыйынтыгы боюнча КАККго берүүнүн келишиминин жалпы суммасынан 2% өлчөмүндө төлөөгө милдеттүү.
• Катышуучу-жеңүүчү КАККны төлөөдөн баш тарткан учурда Буйрутмачы кийинки Катышуучу — тандалган резервдик Берүүчү менен келишим түзүүгө укуктуу.
• Төмөнкү учурларда КАКК Берүүчүгө 7 (жети) жумушчу күндөн кечиктирбестен Буйрутмачынын ырастоосунун негизинде кайтарылып берилет:
  – Келишим боюнча бардык кепилдик милдеттенмелерди (кепилдик мөөнөт) кошо алганда, милдеттенмелерди аткаруу;
  – Форс-мажордун жагдайлар айынан келишимдин жокко чыгаруу.
• КАККну төлөө үчүн банктык эсептердин реквизиттери Чакырууга №4 тиркемесинде көрсөтүлгөн.

Сиздин сунуштарды берүү үчүн акыркы мөөнөт: 2025-жылдын 07-апрелинде саат 10:00 чейин.

• Тандоонун катышуучулары тарабынан белгиленген мөөнөттөн кийин берилген конкурстук табышмалар жана/же өтүнмөлөр кабыл алынбайт жана каралбайт.
• Өзүңүн сунушун берүү менен, Катышуучу Компаниянын талаптарында көрсөтүлгөн бардык шарттарды, анын ичинде Келишимдин шарттарын Чакырууга №5 тиркемесине ылайык макул болот.
• Ар бир тандоо Катышуучусу ар бир Лот үчүн бир гана сунуш бере алат.
• Конкурстук табыштамаларды берүү мөөнөтү бүткөндөн кийин аларга өзгөртүүлөрдү киргизүүгө жол берилбейт.

Бул Чакырууга байланыштуу суроолор пайда болгон учурда, Катышуучу түшүндүрмөлөрдү алуу үчүн Zarina.Andasheva@kumtor.kg электрондук дареги боюнча Буйрутмачыга кайрылса болот, бирок конкурстук табыштамаларды берүү мөөнөтү аяктаганга чейин 3 жумушчу күндөн кечиктирбеши керек. Түшүндүрмөлөр кайрылган Берүүчүгө суроо-талап алынган электрондук почта аркылуу табыштама алынган учурдан тартып үч календардык күндөн кечиктирилбестен жөнөтүлөт.

Зарыл болгон учурда, Буйрутмачы конкурстук сунуштарды берүү мөөнөтү аяктаганга чейин каалаган учурда, бирок кандай болбосун 3 (үч) жумушчу күндөн кечиктирбестен, толуктоолорду берүү жолу менен ушул Чакырууга өзгөртүүлөрдү киргизүүгө укуктуу.

Буйрутмачы, эгерде ушул Чакырууга өзгөртүүлөр киргизилген болсо, конкурстук сунуштарды берүүнүн акыркы күнүн кийинки күнгө жылдыра алат, бул тууралуу Буйрутмачы тиешелүү маалыматты ушул конкурс жөнүндө жарыя жайгаштырылган https://www.kumtor.kg/ru/ Буйрутмачынын расмий веб-сайтында жайгаштыруу аркылуу билдирет.

Буйрутмачы тиешелүү Катышуучулардын алдында эч кандай милдеттенме албастан, Келишим түзүлгөнгө чейин каалаган учурда ар кандай сунушту кабыл алууга же четке кагууга же ошондой эле конкурс жараянын жокко чыгарууга укуктуу.

Документтерди көчүрүп алыңыз:

Приложение №1 к Приглашению ДЕКЛАРАЦИЯ ГАРАНТИРУЮЩАЯ КОНКУРСНУЮ ЗАЯВКУ.(kyrg)

Приложение №2 к Приглашению ДЕКЛАРАЦИЯ ДОБРОСОВЕСТНОСТИ И АНТИКОРРУПЦИОННАЯ ОГОВОРКА.(kyrg)

Приложение №3 к Приглашению ЦЕНОВОЕ ПРЕДЛОЖЕНИЕ

Приложение №4 к Приглашению. Банковские реквизиты

Приложение №5 к Приглашению. Проект договора

______

Лот №1 Техническое задание на мясо баранины

Лот №2 Техническое задание на мясо говядины

Лот №3 Техническое задание на мясо конины

Лот №4 Техническое задание на мясо яка

Лот №5 Техническое задание на чучук

Лот №6 Техническое задание на стейки

Лот №7 Техническое задание на замороженный мясной полуфабрикат

Лот №8 Техническое задание на яйцо куриное

Лот №9 Техническое задание на картофель

Лот №10 Техническое задание на морковь

Лот №11 Техничесоке задание на лук

Лот №12 Техническое задание на свежие овощи и зелени

Лот №13 Техническое задание на фрукты и ягоды

Лот №14 Техническое задание на яблоки

Лот №15 Техническое задание на абрикосы

Лот №16 Техническое задание на сухофрукты

Лот №17 Техническое задание на мед