«КУМТӨР ГОЛД КОМПАНИ» ЖАБЫК АКЦИОНЕРДИК КООМУНУН ПРЕЗИДЕНТИНИН ЖАҢЫ ЖЫЛДЫК КУТТУКТООСУ

Жарыяланган: 31 December 2024

Ардактуу кесиптештер, жеке өзүмдүн жана «Кумтөр Голд Компани» жабык акционердик коомунун башкармалыгынын атынан бардыгыңыздарды Жаңы жылыңыздар менен чын жүрөктөн куттуктайм.

Жаңы жыл – ар бирибиз бала кезибизден бери чыдамсыздык менен, таттуу кыялдар менен күткөн эң сүйүктүү майрамдарыбыздын бири. Бул күнү узап бара жаткан жылга сереп салып, жыйынтыгын чыгарып, Жаңы жылга жаңы пландарды коебуз!

Ал эми «Кумтөр Голд Компани» үчүн 2024-жыл ийгиликтүү жана жемиштүү болду. Буйруса жаңы 2025-жылы дагы урматтуу мамлекет башчыбыз Садыр Нургожоевич тарабынан алдыбызга койгон бардык милдеттерди ишканабыздын ынтымактуу жамааты менен бирге так жана өз убагында аткарабыз деп ишенем.

Жаңы 2025-жылдын алдында бардыгыңыздарга чың ден соолук, бакубатчылык жана ишиңерге зор ийгиликтерди каалаймын! Кирип келген 2025-жылдын ар бир күнү жаркын жана эсте каларлык көз ирмемдерге бай болуп, бардык пландарыңыз ишке ашсын! Жакындарыңыз, үй-бүлөңүздөр менен жалаң жакшылыктын үстүндө жүрүңүздөр! Жаман көз, жаман сөздөн алыс болуп, ар дайым жакшылыктын базарында, Жараткандын назарында бололу!

Терең урматтап,

«Кумтөр Голд Компани» ЖАКтын президенти

Субанов Бузурман Кадырбекович