ТОО-КЕН-ӨНДҮРҮШ БӨЛҮМҮНӨ ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 03 July 2024

ТАПШЫРУУНУН АКЫРКЫ МӨӨНӨТҮ: 17.07.2024, 16:00го чейин.

“Кумтөр Голд Компани” ЖАК жогорку окуу жайлардын бүтүрүүчүлөрү арасында Тоо-кен-өндүрүш бөлүмүнө эки жылдык такшалма өтүү үчүн тандоо жүргүзөт.

Талаптар:

• Тоо-кен тармагында жогорку окуу жайын аяктагандыгы тууралуу диплом;
• Microsoft Office программаларын ишенимдүү колдонуу;
• Натыйжалуу баарлашуу көндүмдөрү;
• Кесиптик көндүмдөрдү өздөштүрүүнү каалоо;
• Позитивдүү эмоционалдык маанай;
• Жеке сапаттар: эмгекчилдик, тырышчаактык, командада иштей билүү;
• Бийик тоолуу шарттарда иштөөгө ылайыктуулук;
• Көндүмдөрдү үйрөнгөндөн кийин, отчетторду презентация түрүндө бере билүү. 

Милдеттери:

• Кендерди ачык жол менен иштетүүдө коопсуз иштөө ыкмаларын үйрөнүү жана түшүнүү;
• Отчеттук системаларды жана иш кагаздарын башкаруу көндүмдөрүн өздөштүрүү;
• Карьерде колдонулган алдыңкы технологиялар менен таанышуу;
• Диспетчердик кызматтын жана MineSense системасынын ишмердүүлүгүн изилдөө;
• Түздөн-түз жетекчинин ар кандай тапшырмаларын аткаруу;
• Коопсуздук техникасы боюнча эрежелерди жана нормаларды, ошондой эле Компаниянын Жоболорунда (Саясаттарында) белгиленген эмгек тартибин такшалуунун бүткүл мезгили үчүн сактоо. 

Такшалма шарттары:

• Акы төлөнүүчү такшалма
• Такшалма мөөнөтү – 2 жыл
• Такшалма өтүү жери – “Кумтөр” кени
• Такшалма графиги – 14/14

Тандоого катышуу үчүн:    

• 2024-жылдын 17-июлундан, саат 16:00 кечикпестен, шилтеме аркылуу өтүп, анкетаны толтуруп, ага бардык керектүү документтерди тиркөө керек.

Тестирлөөгө жана маектешүүгө эӊ ылайыктуу талапкерлер гана чакырылат.