«КУМТӨР ГОЛД КОМПАНИНИН» КЫЗМАТКЕРЛЕРИ ИШЕМБИЛИККЕ ЧЫГЫШТЫ

Жарыяланган: 15 March 2025

Бишкек мэриясы шаарды көрктөндүрүү, санитардык тазалоо жана жашылдандыруу боюнча 2 айлык ишмеблик жарыялады.

Кумтөр ишканасы мэриянын бул демилгесин кызуу колдоого алып, Башкармалыктын, Мүдүрлөр кеңешинин мүчөлөрү жана Бишкек шаарындагы башкы кеңсенин кызматкерлери жапа тырмак ишембиликке чыгышты.

Иш-чаранын алкагында ишкананын кызматкерлери административдик имараттын айланасына карагайдын көчөттөрүн отургузуп, тегерек-четин ар кандай таштандылардан тазалашты.

«Кумтөр Голд Компанин» өкүлдөрү жаздын келиши менен үзгүлтүксүз өткөрүлө баштаган ишембиликтерге шаар тургундарын активдүү катышууга чакырды.

Ишембиликке катышуу – ар бирибиздин жарандык гана милдетибиз эмес, бул – шаардын экологиясын жакшыртууга өз салымыбызды кошуу мүмкүнчүлүгү. Жашылдандыруу, экологиялык демилгелерди колдоо жана туруктуу инфраструктураларды өнүктүрүү – «Кумтөр Голд Компанинин» корпоративдик стратегиясынын маанилүү бөлүгү.