МАТЕРИАЛДЫК-ТЕХНИКАЛЫК КАМСЫЗДОО БӨЛҮМҮНҮНӨ (КӨМӨКЧҮ ӨНДҮРҮШ ТОБУНА) ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 03 September 2024

ТАКШАЛМАГА КАБЫЛ АЛУУ ЖАБЫЛДЫ.

“Кумтөр Голд Компани” ЖАК Материалдык-техникалык камсыздоо бөлүмүнүнө (көмөкчү өндүрүш тобуна) эки жылдык стажировкадан өтүү үчүн ЖОЖдордун бүтүрүүчүлөрүн тандоо жүргүзөт. 

Талаптар:

• «Экономика», «Логистика», «Материалдык-техникалык камсыздоо» багыттары боюнча жогорку техникалык билим (2019-жылдан 2024-жылга чейин ЖОЖдун бүтүрүүчүлөрүнөн арыздарды кабыл алабыз);
• MS Office, Outlook программаларын билүү;
• Иштиктүү кат алышуу көндүмдөрү, сабаттуу жазуу жана оозеки баарлашуу;
• Англис тилин Intermediate жана андан жогору деңгээлде билүү артыкчылыктуу, бирок талап кылынбайт;
• Коммуникация көндүмдөрү, этика жана калыстык;
• Аналитикалык ой жүгүртүү жана көңүл коюу.

Милдеттер:

• Сатып алуулардын ички программасына көмөктөшүү, жеткирүүчүлөр, инвентардык позициялар, сатып алуу тапшырыктары жөнүндө маалыматтарды киргизүү;
• Запастардын жеткиликтүү болушуна жана керектелишине мониторинг жүргүзүүгө, рынокко жана баага талдоо жүргүзүүгө көмөктөшүү;
• КГКнын Сатып алуулар жөнүндө жобосуна жана Кыргыз Республикасынын мыйзамдарынын ченемдерине ылайык компанияны материалдык-техникалык ресурстар менен камсыз кылууга көмөктөшүү;
• Жеткирүүчүлөр жана акыркы колдонуучулар менен мамилелерди колдоо;
• Жеткирүүлөрдү жана өз ара эсептешүүлөрдү уюштурууга жана көзөмөлдөөгө көмөктөшүү;
• Жеткирүүчүлөр менен келишимдерди даярдоого, макулдашууга жана түзүүгө көмөктөшүү.

Такшалманын шарттары:

• Акы төлөнүүчү такшалма
• Такшалманын узактыгы – 2 жыл
• Такшалманын орду – Бишкек шаарындагы кеңсе
• Такшалманын графиги – 5/2

Тандоого катышуу үчүн төмөнкүлөр керек:

• Анкетаны толтуруп, бардык керектүү документтерди 2024-жылдын 17-сентябрьда 16:00 дөн кечиктирбестен шилтеме аркылуу өтүп тиркеңиз.

Тестирлөөгө жана маектешүүгө эң ылайыктуу талапкерлер гана чакырылат.