ИНЖЕНЕРДИК-ГЕОЛОГИЯЛЫК БӨЛҮМҮНӨ ЭКИ ЖЫЛДЫК ТАКШАЛМА ӨТҮҮ ҮЧҮН ТАНДОО

Жарыяланган: 20 November 2024

ТАПШЫРУУНУН АКЫРКЫ МӨӨНӨТҮ: 03.12.2024, 16:00го чейин.

“Кумтөр Голд Компани” ЖАК жогорку окуу жайлардын бүтүрүүчүлөрү арасында Инженердик-геологиялык бөлүмүнө эки жылдык такшалма өтүү үчүн тандоо жүргүзөт.

Талаптар:

• «Маркшейдер», «Тоо-кен иштерин ачык ыкма менен иштетүү», «Тоо-кен иштеринин физикалык процесстери», «Кен байлыктарды жер астында иштетүү», «Гидрогеология», «Кен байлыктардын геологиясы» адистиги боюнча жогорку билим (2019-жылдан 2024-жылга чейинки ЖОЖдун бүтүрүүчүлөрүнөн арыздарды кабыл алабыз);
• Компьютерди ишенимдүү колдоно билүү, MS Office жана AutoCAD программаларын билүү;
• Англис тилин билүү артыкчылык болот;
• Жаңы нерселерди үйрөнүүгө демилге жана каалоо;
• Натыйжалуулук, тартип жана стресске туруктуулук;
• Тактык, командада иштей билүү;
• Бийик тоолуу кенде иштөөгө жакшы физикалык формада жана медициналык жактан ылайыктуу болуу.

Милдеттери:

• Геодезиялык аспаптарды, инструменттерди жана аларды колдонууну өздөштүрүү жана үйрөнүү;
• Коопсуз маркшейдердик съемкаларды жүргүзүү жана геодезиялык аспаптарды колдонуу менен картага түшүрүү;
• Карьердин бортторуна байкоочу пункттарды орнотуу жана съемка жүргүзүү, пьезометрлерди, термисторлорду, инклинометрлерди орнотуу боюнча нускамаларга ылайык иштерди коопсуз аткаруу;
• Жардыргыч заттар жөнүндөгү жалпы түшүнүктөр менен таанышуу.
• Кендин геологдорунун жана гидрогеологдорунун иштери менен таанышуу;
• Инфраструктура объектилеринин схемалык чиймелери, долбоордук инженерлердин иштери менен таанышуу;
• Документтер менен иштөө.

Такшалма шарттары:

• Акы төлөнүүчү такшалма
• Такшалма мөөнөтү – 2 жыл
• Такшалма өтүү жери – Кумтөр кени
• Такшалма графиги – 14/14

Тандоого катышуу үчүн:   

• 2024-жылдын 03-декабры, саат 16:00 кечикпестен, шилтеме аркылуу өтүп, анкетаны толтуруп, ага бардык керектүү документтерди тиркөө керек.

Тестирлөөгө жана маектешүүгө эӊ ылайыктуу талапкерлер гана чакырылат.