ЖОГОРКУ ОКУУ ЖАЙЛАРДЫН БҮТҮРҮҮЧҮЛӨРҮ ҮЧҮН ТАКШАЛМА ПРОГРАММАСЫ

Жарыяланган: 22 April 2022

Жабык

“Кумтөр Голд Компани” ЖАК ЖОЖдордун бүтүрүүчүлөрү арасында Инфратүзүмдөр жана долбоорлор бөлүмүндө такшалма өтүү үчүн тандоо өткөрөт.

Талаптар:

• «Өнөр жайлык жана жарандык курулуш», «Курулуш техникасы жана технологиялары» багыттары боюнча жогорку билим (2016-жылдан 2021-жылга чейинки ЖОЖдун бүтүрүүчүлөрүнөн арыздар кабыл алынат ) ;
• Адистиги боюнча иш тажрыйбасы болуусу же практика өтүүсү артыкчылыкка ээ болот;
• Microsoft Office, AutoCAD, Microsoft Project программаларын ишеничтүү колдоно билүү;
• Англис тилин билүү (кубатталат);
• Демилгелүүлүк жана жаӊы билимдерге умтулуу;
• Медициналык жактан бийик-тоолуу кен-жайда ишке жарамдуу болуп саналган чыӊ ден-соолукта болуу;

Милдеттер: 

• Өзүнүн түздөн-түз жетекчисинин жумуш тапшырмаларын жана буйруктарын аткаруу;
• Өндүрүштүк тапшырмалардын өз убагында, толук жана сапаттуу аткарылышын камсыздоо;
• Курулуш өндүрүшүнүн (жер иштерин, пайдубалдарды жана фундаменттерди даярдоо, металл конструкцияларынын монтажы, тосмо конструкцияларды орнотуу, чатыр жабуу иштери) ыкмаларын жана өзгөчөлүктөрүн үйрөнүү жана изилдөө;
• Техникалык жабдууларды жана инженердик тармактарды орнотуу, имараттардын жана курулмалардын жана жабдуулардын пландык-тейлөө ремонт иштерин учурдагы кен ишкана шарттарында жүргүзүү;
• Курулуш объектинде курулуш жабдууларын, инструменттерди жана түзмөктөрдү коопсуз иштетүүнүн негизги техникалык өзгөчөлүктөрү жана ыкмалары менен таанышуу;

Такшалма шарттары:

• Акы төлөнүүчү такшалма
• Такшалма мөөнөтү-2 жыл
• Такшалма өтүү жери – Кумтөр кени
• Жумуш графиги -14/14

Тандоого катышуу үчүн: 

• 2022-жыл 9-май саат 17.00 кечикпестен, шилтеме менен өтүп, анкетаны толтуруп, ага бардык керектүү документтерди тиркеп жиберүү керек.

Тестирлөөгө жана маектешүүгө эӊ ылайыктуу талапкерлер гана чакырылат.