Жаңылыктар жана басма-сөз

Centerra Gold Inc. («Центерра») компаниясы жана «Кумтөр Голд Компани» билдиришет «Кумтөр» кен ишканасында алтын өндүрүүнүн көлөмү төмөнкүнү түздү: – 2013-жылдын 12 айында – 600 402 унция* же 18 674,6 кг алтын; – 2013-жылдын IV кварталында – 348 130 унция же 10 828,1 кг жакын алтын.

Компания тарабынан айылдыктарга жылытуу сезонунда жардам көрсөтүү үчүн 1000 тоннага жакын көмүр сатып алынды. Ушул жылдын декабрынын башында кварталдык комитеттин отурумунан кийин компания тарабынан Балыкчы шаарынын, Жети-Өгүз жана Тоң райондорунун калкынын аялуу катмарларына жардам көрсөтүү чечими кабыл алынган: 200 тонна көмүрдү балыкчылыктар алышмакчы, а эки райондун жашоочуларына 400 тоннадан бөлүндү. Көмүрдү муктаж адамдарга жеткирип берүү кийинки жумада башталат.

“Кумтөр” боюнча жаңы келишимге ылайык эки тараптын пайыздык үлүштөрү 50-50 болгон биргелешкен жаңы ишкана түзүлөт. Бул тууралуу өкмөт башчы Жантөрө Сатыбалдиев бүгүн канадалык инвесторлор менен жетишилген сүйлөшүүлөрдүн соңку жыйынтыгы боюнча билдирди. Анын айтымында, келишим Кыргызстан үчүн ылайыктуу. Келишимде Кыргызстан эч кандай каржылык милдеттенмелери жок 50 пайыз үлүшкө ээ болуп жатат. Долбоор Жогорку Кеңешке жөнөтүлдү. Өкмөт башчы парламент соңку келишимди колдойт деп үмүт артат.

Декабрдын сонунда Жогорку Кенештин депутаттары “Кумтөр” алтын кенине байланыштуу кезектеги олуттуу чечимин кабыл алышы керек. Кандай чечим чыгарын компаниянын катардагы кызматкерлери чыдамсыздык жана кооптонуу менен күтү пжатышат. Көпчүлүгүнүн санаасы санга бөлүнөт. Канткен күндө да бардыгы өлкө кызыкчылыгын көздөп ийгиликтүү чечилет деп үмүттөнүшөт.

Бүгүн, 2013-жылдын 28-ноябрында, саат 12:30да «Кумтөр» кен ишканасына 17 иштөөчүнү алып бара жаткан кызматтык вахталык машина белгисиз бирөөлөр тарабынан кармалган. Ок атуучу куралдар менен куралданган адамдар жеңил автомашиналар менен компаниянын автотранспортун Саруу айылынан Чычкан айылына чейин ээрчип барышкан, ал жерден алар КамАЗды токтотушкан жана жүргүнчүлөр менен айдоочуну транспорттон түшүүгө мажбурлашкан

Президентин позициаясын эксперттер да колдойт. Депутаттар 67% талап кылуусун тушундуруп албаганча – бул саясий манипулиция деп эсептелсе болот. Келишимден бир тараптан чыгуу деген популистик айтуулар андан да начар натыйжага гана келтирет.

Учурда “Кумтөрдүн” тегерегинде негизсиз талаш-тартыштар көп жүрүп жатат. Талаштын негизсиз экенин билүү үчүн өлкөдөгү эң ири өндүрүштүн иши тууралуу кененирээк билүү туура болмок

Элет калкын колдоо боюнча иштерди улантуунун маанилүүлүгүн эске алуу менен Кыргыз Республикасынын Өкмөтү «Кумтөр Голд Компани» ЖАКынан демөөрчүлүк жардамдарды оптималдаштыруунун алкактарында «Кумтөр-Чакан» атайын кредиттик продуктысы аркылуу элет жериндеги калк арасында жеӊилдетилген микрокредиттөө долбоорун жүзөгө ашыруу боюнча агент катары «Айыл Банк» ААКсын тандап алуу чечимине келди. Бул чечим «Айыл Банктын» айыл жашоочулары үчүн кредиттерди берүү чөйрөсүндө көп жылдык тажрыйбасы, ошондой эле өлкөнүн бардык региондорундагы жарандарды кредиттер жана башка банк кызматтары менен максималдуу камтууга мүмкүндүк берүүчү анын кеӊири регионалдык тармагы менен негизделген. «Кумтөр Голд Компани» ЖАКынын «Ала-Тоо Финанс» МКАсынан «Айыл Банк» ААКсына берилип жаткан демөөрчүлүк жардамынын эсебинен ресурстардын көлөмү 808 млн. жакын сомду түзөт. Областтык микрокредиттик агенттиктердин аракеттеги кредиттик портфели түрүндө дагы 70 млн. жакын сом кийинчерээк берилмекчи. Активдерди (акча каражаттарын жана кредиттик портфелди) толук алгандан кийин банк «Кумтөр Голд Компани» ЖАКынын каражаттарынан жеӊилдетилген кредиттер түрүндө ай сайын болжол менен 100 млн. сомдон берүүнү пландаштырууда. Башкача айтканда, 2-3 миӊдей адам ай сайын кредиттерди алмакчы. Мына ошентип, бардык алынган каражаттар 8-9 айда жайгаштырылмакчы. «Кумтөр-Чакан» кредиттик продукт элет калкынын социалдык аялуу катмарларына жеӊилдетилген финансы каражаттарына жеткиликтүүлүктү берүү үчүн түзүлгөн. Мында «Айыл Банк» бул продуктынын алкактарында кредиттерди Кыргызстандын банк мекемелеринин арасынан жагымдуу шарттар – 5 миӊден 50 миӊ сомго чейин, 1 жылдык мөөнөткө 10% жылдык […]

Centerra Gold Inc. («Центерра») жана «Кумтөр» компаниясы 2013-ж. 3-кварталындагы иштин жыйынтыктарын чыгарышты. 9 айда «Кумтөр» кен ишканасында 252 272 унция* же 7 846,5 кг алтын өндүрүлгөн. Компания 3,6 миллиард сомдон ашуун суммада салыктарды жана милдеттүү төлөмдөрдү которгон.

ТЕНДЕР ЖАБЫК

«Кумтөр» компаниясынын Балыкчыдагы маалымат бюросу орун которду жана эми Фрунзе көч. 372 А дарегинде жайгашкан. Жаңы имаратта маалымат бюросу менен катар эле «Балыкчы финанс» микрокредиттик компаниясынын офиси, ошондой эле «АВЕП» өнөктөштүк уюмунун жетекчилиги астында иштеп жаткан туристтик борбор да бар. Компаниянын маалымат бюросу узак жылдар бою бош турган эски дүкөндүн имаратына жайгаштырылды. Ал ремонттолуп, техника жана зарыл эмерек менен жабдылды. «Мурда биздин маалымат бюробуз Балыкчы өткөөл базасынын территориясында болчу. Бул адамдарга анча ыңгайлуу болбогон, анткени шаарды кыдырып өтүүгө туура келчү. Биз эми аны бул жакка көчүрдүк жана биздин ишибиз жөнүндө маалымат көп адамдар үчүн жеткиликтүү болуп калат деп үмүттөнөбүз», – деп белгиледи «Кумтөр» компаниясынын туруктуу өнүктүрүү боюнча директору Дуглас Гриер. Ал борбордун базасында областтын жашоочулары үчүн бизнес-пландаштыруу боюнча тренингдер жана компаниянын кызматкерлери үчүн ар кандай окутуучу семинарлар өтө тургандыгын да билдирди. Дээрлик эки жылдан бери иштеп жана жергиликтүү калкка кичи жана орто бизнести өнүктүрүү үчүн жеңилдетилген насыяларды берип келе жаткан «Балыкчы Финанс» микрокредиттик уюмунун офиси да кеңейтүүгө муктаж болчу. Компаниянын салымдарынан улам кардарлар эми жаңы офиске тез жете алышат, ал шаардын башкы көчөлөрүнүн биринде ыңгайлуу жайгашкан. «Кумтөр» компаниясынын Маалымат бюросунун кызматкерлери менен төмөнкү телефон боюнча байланышууга болот: 0 (775) 971201

Айыл өкмөтүнүн өкүлдөрү, жергиликтүү жашоочулар, ошондой эле КРнын Өкмөтүнүн Ысык-Көл областындагы ыйгарымдуу өкүлү Эмилбек Каптагаев Липенка жана Ак-Дөбө айылдарында 2 000 га жерди айыл чарба жүгүртүүсүнө кайтаруунун символикалык аземине катышышты