КУМТӨР КЕНИНИН БОРБОРДУК ТИЛКЕСИНДЕГИ АЧЫК КАЗЫП АЛУУ ҮЧҮН ЗАПАСТАРДЫН КАЙРА ЭСЕПТӨӨ БОЮНЧА ОТЧЕТУН АТКАРУУ БОЮНЧА

Жарыяланган: 25 April 2025

ТАБЫШТАМАНЫ ТАПШЫРУУГА ЭҢ АКЫРКЫ МӨӨНӨТҮ: 2025-жылдын 12-майында саат 10:00 чейин.

«Кумтөр Голд Компани» ЖАК (Буйрутмачы) Сиздерди (Катышуучуларды) төмөнкү кызматтарды көрсөтүү үчүн тандоого катышууга чакырат:

“2020–2024-жылдары кошумча жүргүзүлгөн геологиялык чалгындоо жана эксплуатациялык иштердин натыйжасында кендин геологиялык-өнөр жай баалоосунун өзгөрүшүнө байланыштуу Кумтор кенинин Борбордук тилкесиндеги ачык казып алуу үчүн запастардын кайра эсептөө боюнча Отчету аткаруу”.

Сиздердин сунуштарыңыздар кошо тиркелген документтер, тиркемелер жана баалык сунуштар менен бирге коммерциялык сунуштарга жана келишим боюнча милдеттенмелерге кол коюу укугуна толук ыйгарым укуктары бар адам (же адамдар) тарабынан кол коюлуп, мөөр менен бекитилиши керек. Документтер PDF форматында берилүүгө тийиш.

Адамдын документтерге кол коюуга ыйгарым укугу ишеним кат же анын ыйгарым укугун тастыктаган документтердин күбөлөндүрүлгөн көчүрмөсү менен тастыкталышы керек.

Тандоого катышууну каалаган бардык тараптар Чакыруунун №1, №2 жана №3 Тиркемелерине ылайык формаларды толтуруп, талап кылынган документтердин көчүрмөлөрүн тиркеп, электрондук түрдө электрондук почта аркылуу жөнөтүүгө тийиш.

Катышуучулар өздөрүнүн Өтүнмөлөрүн конкурска катышуу үчүн эки бөлүктөн турган пакет түрүндө электрондук почта аркылуу, бир же бир нече кат менен жөнөтүшөт. Ар бир каттын көлөмү 25 mb ашпоого тийиш.

Конкурстук сунуштарды берүүнүн тартиби

Тандап алууга катышууну каалаган конкурстун мүмкүн болуучу катышуучулары №1-тиркемесине (Техникалык Тапшырма) ылайык коммерциялык сунуш киргизип, документтердин керектүү көчүрмөлөрүн тиркеп, электрондук почта аркылуу жөнөтүүгө милдеттүү.

Берүүчүлөрдү тандоого катышуу үчүн катышуучулар сунуштарын электрондук почта аркылуу 2 (эки) өзүнчө электрондук кат аркылуу жөнөтүүгө милдеттүү.

Биринчи пакет үчүн электрондук каттын темасы төмөндөгүдөй болушу керек: «Квалификациялык жана техникалык сунуштар [компаниянын аталышы]»; экинчи пакет үчүн — «Баалык сунуш [компаниянын аталышы]». Каттар төмөнкү электрондук дарекке жөнөтүлүшү керек: recalculation2025@kumtor.kg

Конкурстук өтүнмөнү тапшыруунун тартиби

Катышуучулар документтерди эки өзүнчө пакетте тапшырышат, мында эки пакет тең бир убакта жөнөтүлүшү керек:

• 1-пакет – квалификациялык жана техникалык сунуштар (паролсуз берилет);
• 2-пакет – коммерциялык сунуш (файлга кирүү мүмкүнчүлүгү пароль аркылуу камсыздалышы керек жана бул пакет биринчи этапта ачылбайт, паролду сатып алуучунун электрондук почта аркылуу жиберген суроосунан кийин жөнөтүү талап кылынат).

1. Биринчи этап – Квалификациялык жана техникалык сунуштарды баалоо

1.1. Квалификациялык жана техникалык баалоо төмөнкүлөрдү камтыйт:

• Акыркы эки жыл ичиндеги иш тажрыйбасын талдоо (келишимдердин көчүрмөлөрү);
• Техникалык тапшырмада белгиленген талаптарга ылайык берилген документтердин тууралыгын текшерүү;
• Салык жана камсыздандыруу төлөмдөрү боюнча карыздын жоктугу жөнүндө маалымкаттардын сканерленген түп нуска көчүрмөлөрү (Мамлекеттик Салык кызматы, Социалдык фонд);
• Кыргыз Республикасынын Юстиция министрлигинен алынган мамлекеттик каттоо же кайра каттоо жөнүндө күбөлүктүн сканерленген түп нуска көчүрмөсү (жеке ишкерлер үчүн – ЖИ катары катталгандыгы жөнүндө күбөлүктүн же жарактуу патенттин көчүрмөсү, бул учурда Ишмердүүлүктүн түрү сатып алуунун предметине ылайык келиши керек);
• Уставдын сканерленген түп нуска көчүрмөсү (Юридикалык жактар үчүн);
• Документтерге кол коюу ыйгарым укугун тастыктаган ишеним кат же башка тастыктоочу документ;
• Кол коюучу адамдын паспортуна сканерленген көчүрмө;
• 2022 жана 2023-жылдар үчүн ыйгарым укуктуу орган тарабынан тастыкталган бухгалтердик баланс жана анын бардык тиркемелери (пайда жана чыгымдар жөнүндө отчет, капиталдагы өзгөрүүлөр жөнүндө отчет, акча агымы жөнүндө отчет), ошондой эле Бирдиктүү салык декларациясынын (ЕНД) сканерленген түп нуска көчүрмөсү;
• Катышуучунун сот иштерине катышуусу боюнча маалымат (акыркы үч жыл, учурдагы жылды кошо алганда);
• Конкурстук өтүнмөнү кепилдеген декларация (Чакыруунун №1 тиркемесинин формасына ылайык);
• Адал ниеттүүлүк жана коррупцияга каршы пункттар камтылган декларация (Чакыруунун №2 тиркемесинин формасына ылайык).

1.2. Биринчи этаптын жыйынтыгы боюнча экинчи этапка уруксат берилген катышуучулардын тизмеси түзүлөт.

1.3. Экинчи этапка төмөнкү учурларда катышууга жол берилбейт:

• документтердин толук пакетин бербегендерге;
• биринчи пакет менен кошо коммерциялык сунушун паролсуз берген же паролду сатып алуучунун суроосуна чейин жибергендерге;
• экинчи пакеттин паролун сатып алуучунун суроосунан кийин бербегендерге;
• Чакыруунун №1 тиркемеси боюнча конкурстук өтүнмөнү кепилдеген декларацияга кол койбогон учурларда;
• Чакыруунун №2 тиркемеси боюнча адал ниеттүүлүк жана коррупцияга каршы пункттарды камтыган декларацияга кол койбогон учурда;
• квалификациясы жөнүндө кол коюлган маалымат жок болгондо (Чакырууга № 5 Тиркеме формасында);
• кол коюлган тендердик табыштама жок болгон учурда (чакырууга № 6 тиркемедеги формага ылайык);
• конкурска катышууга кол коюлган чакыруу жок болгон учурда (чакырууга № 7 тиркемедеги формага ылайык);
• Чакырууда көрсөтүлгөн мөөнөттөн кеч документ тапшырган учурларда;
• Коопсуздук кызматынын жана Заказчынын каржы бөлүмүнүн аккредитациясынан өтпөгөндөргө.

2. Экинчи этап – Конкурстук өтүнмөнү баалоо

2.1. Экинчи этапка биринчи этаптан ийгиликтүү өткөн гана катышуучулар катыша алышат.

2.2. Катышуучунун баалык сунушу Чакыруунун №3 тиркемесиндеги формага так ылайык толтурулушу керек.

• Эгерде конкурстун катышуучусу №3 Тиркемеде көрсөтүлгөн формага ылайык эмес баалык сунуш жөнөтсө, анын өтүнмөсү четке кагылат.

2.3. Жеңүүчү катары болуп эң жакшы баа жана шарттардын айкалышын сунуштаган, ошондой эле Техникалык тапшырмадагы талаптарга ылайык конкурстук өтүнмө берген катышуучу болуп эсептелет.

Келишимдин аткарылышын камсыз кылуу кепилдигинин көлөмү жана формасы (мындан ары – КАКК)

• Конкурстун жыйынтыгы боюнча жеткирүү келишимин түзүү укугу берилген катышуучу келишимдин жалпы суммасынын 2% көлөмүндө КАККны киргизүүгө милдеттүү.
• Эгерде жеңүүчү катышуучу КАККны киргизүүдөн баш тартса, сатып алуучу келишимди резервдик жеткирүүчү катары тандалган кийинки катышуучу менен түзүүгө укуктуу.
• КАКК төмөнкү учурларда сатып алуучунун тастыктамасынын негизинде 7 (жети) иш күнүнүн ичинде жеткирүүчүгө кайтарылып берилет:
  • Келишим боюнча бардык милдеттемелер, анын ичинде бардык кепилдиктик милдеттенмелер (кепилдик мөөнөтү) аткарылган учурда;
  • Форс-мажордук жагдайларга байланыштуу келишим жокко чыгарылган учурда.
• КАККны которуу үчүн банктык реквизиттер Чакыруунун №4 Тиркемесинде көрсөтүлгөн.

Конкурстук өтүнмөлөрдү берүү үчүн акыркы мөөнөт: 2025-жылдын 12-майы, саат 10:00гө чейин.

• Көрсөтүлгөн мөөнөттөн кеч берилген жана/же талаптарга жооп бербеген конкурстук өтүнмөлөр кабыл алынбайт жана каралбайт.
• Өзүнүн сунушун берип жатып, катышуучу Сатып алуучунун бардык талаптарына, анын ичинде Чакыруунун №5 Тиркемесине ылайык Келишимдин шарттарына макул экендигин билдирет.
• Ар бир катышуучу тандоого ар бир лот боюнча бир гана конкурстук сунуш бере алат.
• Конкурстук өтүнмөлөрдү берүү мөөнөтү аяктагандан кийин, анда өзгөртүүлөрдү киргизүүгө жол берилбейт.

Эгерде ушул Чакыруу боюнча суроолор жаралса, катышуучу түшүндүрмө алуу үчүн Сатып алуучунун төмөнкү электрондук дарегине кайрыла алат: Altynai.keldikeeva@kumtor.kg. Суроо акыркы конкурстук өтүнмөлөрдү тапшыруу мөөнөтүнө чейин кечиктирбестен 3 (үч) иш күнүнө чейин жөнөтүлүшү керек. Түшүндүрмөлөр сураган жеткирүүчүгө сураныч түшкөн электрондук дарекке, сураныч алынган учурдан тартып кечиктирбестен 3 (үч) календардык күндүн ичинде жөнөтүлөт.

Зарыл болгон учурда, Сатып алуучу бул Чакырууга өзгөртүүлөрдү жана толуктоолорду киргизүүгө укуктуу, бирок бул өзгөртүүлөр конкурстук өтүнмөлөрдү тапшыруунун акыркы мөөнөтүнө чейин кечиктирбестен 3 (үч) иш күнүндө кабыл алынышы керек.

Эгерде Чакырууга өзгөртүүлөр киргизилсе, Сатып алуучу конкурстук өтүнмөлөрдү тапшыруунун акыркы мөөнөтүн кийинки датага жылдыра алат. Бул тууралуу сатып алуучу конкурс өткөрүү жөнүндө жарыяланган расмий сайтына (https://www.kumtor.kg/ru/) тиешелүү маалыматты жайгаштыруу жолу менен маалымдайт.

Сатып алуучу сунуштарды кабыл алууга же четке кагууга, ошондой эле Конкурстун жүрүшүн токтотууга жана бардык сунуштарды четке кагууга укуктуу. Бул учурда катышуучулар алдында эч кандай милдеттенме албайт.

Документтерди көчүрүп алыңыз:

Техникалык тапшырма