ДЕН СООЛУКТУ, ЭМГЕКТИ ЖАНА ӨНӨР ЖАЙ КООПСУЗДУГУН КОРГОО БӨЛҮМҮНҮН АВАРИЯЛЫК-КУТКАРУУ КЫЗМАТЫНА 3–4-КУРСТУН СТУДЕНТТЕРИН ЖАЙКЫ ПРАКТИКА ПРОГРАММАСЫ БОЮНЧА ТАНДОО

Жарыяланган: 18 April 2025

ТАПШЫРУУНУН АКЫРКЫ МӨӨНӨТҮ: 27.04.2025, 18:00го чейин.

«Кумтор Голд Компани» ЖАК 2025-жылдын жай мезгилинде өндүрүштүк практикадан өтүү үчүн Кыргыз Республикасынын ЖОЖдорунун 3 жана 4-курстарынын студенттерин ден соолукту, эмгекти жана өнөр жай коопсуздугун коргоо бөлүмүнүн авариялык-куткаруу кызматына тандоону жүргүзөт.

Талаптар:

• Кыргыз Республикасынын ЖОЖдорунун 3 же 4-курстарынын студенттери (5 жылдык окуу болсо, 4-курс каралат) төмөнкү багыттар боюнча: тоо-кен куткаруу иши, өрт коопсуздугу ж.б.;
• Эмгекти коргоо, өнөр жай коопсуздугу жана өзгөчө кырдаалдарда тобокелдиктерди башкаруу боюнча билимдер;
• Жоопкерчилик, стресске туруктуулук, жогорку жүктөм жана өзгөчө кырдаалдар шарттарында иштей билүү;
• Эмгек коопсуздугу жана өзгөчө кырдаалдар боюнча нормативдик документтер менен иштей билүү;
• Техникалык куткаруу жабдуулары менен иштөө боюнча негизги билимдер жана көндүмдөр (тиешелүү курстар же тренингдер болсо);
• Коллективде иштей билүү, коммуникабелдүүлүк, үйрөнүүгө даярдык;
• Өзгөчө кырдаал шарттарында кырдаалды талдоо жана оперативдүү чечимдерди кабыл алуу жөндөмдүүлүгү;
• Авариялык-куткаруу иштеринде практикалык билимдерди алууга каалоо жана умтулуу;
• Microsoft Office стандарттык пакетин колдоно билүү (Corel, Visio, AutoCAD программаларын билүү артыкчылыкка ээ).

Милдеттер:

• Кумтор кениндеги авариялык-куткаруу кызматынын ишин жөнгө салуучу нормативдик-укуктук актылар жана стандарттар менен таанышуу;
• Коопсуздук боюнча отчеттуулукту даярдоого жана системалардын жана жабдуулардын абалын мониторинг жүргүзүүгө жардам берүү;
• Рудниктеги өндүрүштүк объекттерде тобокелдиктерди баалоого катышуу жана бул тобокелдиктерди азайтуу боюнча иш-чараларды иштеп чыгууга жардам берүү;
• Куткаруу командаларынын ишин уюштурууга жана кызматкерлерге өрт өчүрүүчү  техникалык минимум боюнча нускамаларды өткөрүүгө жардам берүү;
• Рудниктеги өзгөчө кырдаалдар боюнча маалыматтарды чогултуу жана системалаштыруу;
• Өзгөчө кырдаалдарда аракеттер планын иштеп чыгууга жана тестирлөөгө катышуу;
• Куткаруу жабдууларын жана техникаларын тейлөө жана техникалык тейлөө иштерин уюштурууга жардам берүү;
• Окуялар болгон учурда башка коопсуздук кызматтары жана башкаруу органдары менен өз ара аракеттенүү процедурасы менен таанышуу;
• Өрт коопсуздугу боюнча адистерге жана техникаларга жардам берүү.

Практика шарттары:

• Акы төлөнүүчү практика;
• Мөөнөтү – 31.08.2025 чейин;
• Өтүүчү жер – Кумтөр кени;
• График – 14/14.

Тандоого катышуу үчүн:

Анкетаны толтуруп, бардык керектүү документтерди 2025-жылдын 27-апрелине чейин саат 18:00гө чейин шилтеме аркылуу тапшыруу.

Тестирлөө жана маектешүүгө эң ылайыктуу талапкерлер гана чакырылат.