“КУМТӨР ГОЛД КОМПАНИ” ГЕОЛОГДОРДУ МАЙРАМЫ МЕНЕН КУТТУКТАЙТ

Жарыяланган: 04 April 2025

“Кумтөр Голд Компани” ишкананын геологдорун кесиптик майрамы – Кыргыз Республикасынын геологунун күнү менен куттуктайт!

“Урматтуу кесиптештер, “Кумтөр Голд Компани” ЖАК жетекчилиги ишкананын геологдорун кесиптик майрамы – Кыргыз Республикасынын геологдорунун күнү менен куттуктайт!

Геолог болуу – бул жөн гана кесип тандоо эмес, геолог болуу – бул табияттан берилген зор талант! Бул билдирүү толугу менен өз жашоосун Геология менен байланыштырган адамдардын мүнөзүн жана жашоо принциптерин чагылдырат. Кумтөр, Макмал, Тоголок, Солтон-Сары, Алтын-Жылга ж.у. сыяктуу алтын кендери геологдордун жардамы менен табылганы жашыруун эмес. Учурда геологдор тарабынан ачылган кендердин көпчүлүгү, анын ичинде алтын кендери активдүү иштетилип, Кыргыз Республикасынын экономикасына олуттуу салым кошууда. Геологдор жумуш убактысынын бир топ бөлүгүн талаада өткөрүп, Менделеев таблицада болгон алтын, күмүш же башка элементтердин жаңы кендерин ачуу үмүтү менен улуу тоолорду жана өрөөндөрдү изилдеп келишет. Бул өз кесибин сүйгөн, күчтүү, эр жүрөк адамдардын гана колунан келе турган татаал жана кооптуу жумуш.

Биз баарыбыз Сиздерди баалайбыз жана сыйлайбыз! Бул майрам күнү Сиздерге чың ден-соолук, бакубатчылык, бакыт-таалай жана кесиптик чөйрөдө жаңы ачылыштарды каалайбыз!”